बागमती प्रदेश सरकारको सामाजिक विकास मन्त्रालय अन्तर्गत रहने गरी सामाजिक विकास कार्यालय, गजुरी, नेपाल (Social Development Office, Gajuri, Nepal) २०८१ सालमा स्थापना भएको हो। धादिङ जिल्लाको गजुरी गाउँपालिका वडा नं. १ मा यस कार्यालयको स्थापना गरिएको हो। यस कार्यालयको कार्यक्षेत्र भित्र बागमती प्रदेशका ३ जिल्ला धादिङ, रसुवा र नुवाकोट रहेका छन्, जसमा कुल ३1 स्थानीय तह रहेका छन्। यसमा ४ नगरपालिका र २7 गाउँपालिका रहेका छन्।

यस सामाजिक विकास कार्यालयले आफ्नो कार्य क्षेत्रभित्र रहेका सामाजिक कार्य गर्ने संघसंस्थाहरुको संचालन र पूर्वाधारको विकाससँग सम्बन्धित कामहरू गर्दै आएको छ। यसले विद्यालयको शैक्षिक र पूर्वाधारको विकासमा पनि योगदान पुर्याउने कार्य गर्दछ। साथै, सीप विकास र क्षमता अभिवृद्धि सम्बन्धि तालिमहरूको आयोजना गर्नेदेखि लिएर महिला, विपन्न, दलित, आदिवासी, जनजाति, द्वन्द्व प्रभावित, अपाङ्गता भएका व्यक्तिहरू र यौनिक अल्पसंख्यकलाई सशक्तिकरण र क्षमता विकाससम्बन्धी कार्यक्रमहरूको सञ्चालन गर्दै आएको छ।